דברות קודש בעת רעוא דרעוין

שבת קודש פרשת וישלח תשפ"ה

רבינו שליט"א נעמט אונטער קורצע מסע הקודש צום עיר האבות טאהש - אונגארן לרגל יומדהל"ק כ"ג כסלו

מיט גרויס פרייד ווערט אויפגענומען די איבערראשענדע מעלדונג, אז נאך וואס רבינו שליט"א האט מביע געווען רצון קדשו צו פארן צום ציון הקדוש פונעם הייליגן זיידן דער סבא קדישא זי"ע, איז בס"ד געלונגען מסדר צו זיין א קורצע מסע הקודש צום עיר האבות טאהש אונגארן, לקראת דעם בעפארשטייענדן יומדהל"ק פון רבינו הסבא קדישא זי"ע וואס געפאלט דעם קומענדיגע וואך דינסטאג כ"ג כסלו הבעל"ט.

מוצאי שבת קודש וישב, וועט רבינו שליט"א ופמליא דילי' ארויספארן אויפן וועג קיין פוילן, ווי דער רבי וועט בעז"ה אנקומען אין שטאט קראקא זונטאג בייטאג, און פוקד זיין די ציון הקדוש פון זקינו הרה"ק דער בעל תוספות יום טוב זי"ע.

דערנאך וועט רבינו שליט"א אנקומען אין ליזענסק צום ציון הקדוש פון זקינו הרה"ק דער הייליגער רבי ר' אלימלך מ'ליזענסק זי"ע.

מאנטאג און דינסטאג וועט רבינו שליט"א זיך אויפהאלטן אינעם עיר האבות טאהש, אינעם הייליגן שטאט ווי רבותינו הקדושים שרפי מעלה האבן אפגעראכטן זייער הייליגע עבודה, און אויסגעטראטן פאר אונז די הייליגע דרך, בו במקום ווי רבינו הקדוש זי"ע איז אויפגעוואקסן אין זיינע יונגע יארן, און געפראוועט זיין הייליגע עבודה אונטערן שאטן פון זיין הייליגע זיידע דער בעל ההילולא.

מאנטאג נאכט ליל ההילולא קדישא וועט מען זיך שטעלן דאווענען מעריב בשעה 8:00, בהיכל ביהמ"ד אינעם בנין הכנסת אורחים, און דערנאך וועט רבינו שליט"א מעריך זיין די שלחן הטהור סעודת הילולא קדישא.

כחצות הלילה וועט רבינו שליט"א ארויפגיין צום ציון הקדוש און שופך שיח זיין צום בורא כל עולמים, און אויסזאגן גאנץ ספר תהלים ברוב עם.

דינסטאג נאכט אויפן וועג אהיים וועט דער רבי זיך משתטח זיין ביים ציון פון הרה"ק רבי ישעי'לע מ'קערעסטיר זי"ע.

צו רעזעווירן אש"ל, אזוי אויך פאר כסדר'דיגע מעלדונגן און באריכטן, רופט אריין 'קול איחוד טאהש'  718-451-8674 און דרוקט 15.

דער אייבערשטער זאל העלפן אז מען זאל אויספעולן אלעס גוטס, און רבינו שליט"א זאל אהיימברענגן פאר אונז און פאר גאנץ כלל ישראל אלע ישועות און השפעות טובות ברוחניות ובגשמיות, און די גאולה שלימה במהרה.