קורצע באזוך פון רבינו שליט"א אין ניו יארק - צו באשיינען די שמחת הברית מילה בחצרות קדשינו
דעם זונטאג כי תבוא העעל"ט נאכמיטאג איז כ"ק מרן רבינו שליט"א אנגעקומען אין ניו יארק, צו באשיינען די שמחת הברית מילה בבית בנו הגה"צ רבי חיים יחיאל אלתר סג"ל שליט"א, ר"מ בישיבתינו הק' תפארת משולם פייש ניו יארק.
די שמחת הברית מילה איז פארגעקומען אין שטוב פון הגה"צ רבי חיים שליט"א אין מאנסי, ווי עס האבן אנטייל גענומען חשובי פני העדה, און א גרעסערע ציבור אנשי שלומינו תושבי העיר. דער מוהל איז געווען הרה"ג ר' יעקב יואל רובין שליט"א, ראש חבורת עבודת עבודה לבחורי אנ"ש.
דער רבי איז מכובד געווארן מיט סנדקאות, אמירת הברכות וקריאת השם, ויקרא שמו בישראל יקותיאל יהודה, נאכן זיידע הגה"צ בעל תורת יקותיאל מדיערעש זצ"ל.
מיט די אנדערע כיבודים זענען מכובד געווארן: הרב הגאון דומ"ץ דקהלתינו מאנסי שליט"א, הגה"צ רבי אברהם יודא סג"ל שליט"א, אדמו"ר מ'דעלאטין שליט"א, אדמו"ר מ'פרעמישלאן שליט"א, הרה"ג דויד שלמה מערמעלשטיין שליט"א ראה"כ, הרה"ג ר' חיים ברוך יודא לייפער שליט"א, הר"ר בערל מייזליש שליט"א מנהל תלמוד תורה עבודת משולם פייש אין שטאט, הרה"ח ר' יודא לייב לעפפלער הי"ו, הרבני הנגיד ר' ישראל אלי' ברוך ענגעל הי"ו, מוה"ר אליעזר ברוך פריעד הי"ו.
נאך קדיש און עלינו האט דער רבי געבענטשט די קינד, און דער ציבור איז אריבער וואונטשן מזל טוב, זינגענדיג ניגוני שמחה והודאה.
שפעטער איז דער רבי ערשינען צום סעודת ברית בהיכל בית מדרשינו, ווי עס איז געווען צוגעשטעלט א רחבות'דיגע סעודה פאר כל הקהל הקודש, דורכ'ן געטרייען משמש מוה"ר יחיאל אלתר גוטמאן הי"ו. דער רבי האט געצינדן ליכט און זיך געוואשן צום סעודה, הגה"צ רבי חיים שליט"א האט אויפגעטרעטן מיט פאסיגע ווערטער, מען האט געזינגן פאסיגע ניגונים, און ארויפגעשיקט שיריים פארן ציבור. דער רבי האט געוואונטשן לחיים, און משמיע געווען דברות קודש לכבוד המאורע.
מיט ברהמ"ז על הכוס איז מכובד געווארן הרב הגאון דומ"ץ דקהלתינו שליט"א, שיר המעלות הב' צבי מאיר בנימין בראדי ני"ו.
יום ליבשה אדמו"ר מ'זידיטשוב פרעמיסלא שליט"א, מיט די הרחמן'ס זענען מכובד געווארן: הרה"ג אב"ד זכרון יהודה שליט"א, הרה"ח ר' אברהם מרדכי יודא (לייב) פעלבערבוים הי"ו, הרה"ח ר' נחום שווארץ הי"ו, הרה"ח ר' אברהם יונגער הי"ו פון אנטווערפן, הרה"ח ר' זיידא ישראל חיים שמעון ראטטענבערג הי"ו, הרה"ח ר' יעקב הערש אדלער הי"ו.
* |