מעמד לחיים לרגל התייסדות המוסדות אין שטאט בארא פארק יצ"ו
פארגאנגענעם מאנטאג פרשת כי תצא מיטאג צייט, איז דער רבי ערשינען ביים בנין בית מדרשינו אין בארא פארק, ווי דער רבי איז ארויף צום צווייטן שטאק ווי עס געפינט זיך די נייע "תלמוד תורה עבודת משולם פייש".
דער רבי איז אריינגעקומען אין חדר, און מיטגעהאלטן ווי די קינדער לערנען פלייסיג. מ'האט פארגעשטעלט פארן רבי'ן ווער די קינדער זענען. דער רבי האט זייער ווארעם אנגעוואונטשן פארן מלמד און מנהל, און פאר די איינגעשטעלטע, אלע גוטע ברכות, די שכינה הקדושה זאל שטענדיג רוען דא, און ברכה והצלחה אין די עבודת הקודש בזכותו הגדול פון רבינו הקדוש זי"ע.
*
ביינאכט נאך מעריב, איז פארגעקומען א מעמד לחיים לרגל התייסדות המוסדות אין שטאט בארא פארק, אין די נייע תלמוד תורה, בראשות כ"ק מרן רבינו שליט"א.
אויפן אויבן האבן באשיינט הגאון הגדול דומ"ץ דקהלתינו בארא פארק שליט"א, הגה"צ רבי יעקב סג"ל שליט"א, הרה"ג ר' יוסף חיים לייפער שליט"א ראש הכולל, הרה"ג דומ"ץ באיאן שליט"א, וחשובי ופארי העדה, עס האבן זיך משתתף געווען די הורי התלמידים, די מלמדים און איינגעשטעלטע, און די הנהלת המוסדות, און א גרעסערע ציבור אנשי שלומינו.
מען האט געזינגן פאסיגע ניגונים, דאנקענדיג און לויבנדיג דעם אייבערשטן אויף די הרחבת גבולי הקדושה, פאר די התייסדות פונעם נייע תלמוד תורה וואס שמ'ט לשם ולתהלה.
דער רבי האט משמיע געווען דברות קודש, און געמאכט א לחיים, אנוואונטשענדיג ברכות קדשו, דערנאך האט אויפגעטרעטן הרה"ג ר' יוסף חיים לייפער שליט"א בשבח פונעם נייעם תלמוד תורה.
דערנאך איז דער ציבור אריבער געבן די האנט און נעמען א ברכה, און דער רבי האט פארטיילט האניג ספעציעל פאר אלע חשוב'ע עסקנים וועלכע העלפן ארויס פאר די מוסדות. דער רבי האט עקסטער אנגעוואונטשן פאר העסקן מוה"ר יוסף אלימלך מאירוביץ הי"ו מנכ"ל, וואס געבט זיך איבער בלב ובנפש למען הצלחת המוסדות בכל פרט ופרט לעשות רצון צדיק כ"ק מרן רבינו שליט"א. |