תלמידי ישיבתינו הק' ישיבה קטנה תפארת משולם פייש - ניו יארק לאזן זיך ארויס אויפן וועג קיין קריתינו הק', צו פראווענען דעם דערהויבענע שבת התעלות בצילא דמהימנותא קדישא
שטייענדיג ביים סוף זמן החורף הבעל"ט, ווען די בחורי הישיבה האבען זוכה געווען צו האבען בסייעתא דשמיא א גאר מוצלח'דיגע זמן, גרייטן זיך בחורי הישיבה מיט א געוואלדיגע קאך און ברען דורכן ענדיגן די שיעורי הישיבה און די חזרות לימודי הזמן צו די דערהויבענע "שבת המרומם" וועלכע וועט פארקומען דעם שבת קודש פרשת פקודי – שבת החודש, ערב ראש חודש ניסן הבעל"ט, בצל קדשו פון רבינו שליט"א בקרתא קדישא קרית טאהש יע"א.
די געוואלדיגע הרגש דקדושה זוכה צו זיין צו וויילן אין טאהש אין אזא מסוגל'דיגע זמן, סוף זמן החורף, בין גאולה לגאולה, שבת מברכין חודש ניסן, החודש הזה לכם ראש חדשים, ברענגט אריין די בחורים אין א העכערע אטמאספער, און די פארבליבענע צייט סוף זמן איז ב"ה געווארן אויסגענוצט אויפן שטערקסטן פארנעם בהיכל הישיבה.
די חשובע בחורים גרייטן זיך שוין לאנג אויף די ערווארטעטע נסיעה, ווען מ'האט אנגעהויבן שוין פון די פארגאנגענע שובבי"ם וואכן, געלערנט שעות רצופות ביי אלע סדרי ושיעורי הישיבה, און זיך ספעציעל צוגעפלייסט מיט שמירת הזמנים זייענדיג פון די זריזין מקדימין ביי אלע סדרי הישיבה בתורה ובתפלה, אזוי אויך האבן זיך די בחורים געצייכענט די פרטים אין ספעציעלע קארטלעך פון חבורת "המשלשים בקדושה".
נעכטן נאכט האבן זיך די בחורים בס"ד ארויסגעלאזט אויפן וועג, אינאיינעם מיט די מנהל ומגידי שיעורים שליט"א, זיך גרייטנדיג צום דערהויבענעם שבת קודש הבעל"ט. |
